Songedroogde
tamatie-brood
Dié broodjie is
lekker geurig en smaak op sy beste warm uit die oond.
Bestandele
450 g (800 ml) bruismeel
knippie sout
150 g botter, in blokkies gesny
100 g songedroogde tamaties in olyfolie, gedreineer en gekap
100 g ontpitte groen olywe, grof gekap
20 ml gedroogde roosmaryn
300 ml laevetmelk
2 eiers
60 ml olyfolie
10 ml growwe seesout
Stel oond op 180°C. Smeer en voer die boom van 'n broodpan uit.
Plaas meel en sout in 'n groot bak. Voeg botter by en vryf met vingerpunte in
tot dit soos fyn broodkrummels lyk.
Voeg tamatie en olywe by. Klits melk en eiers saam en voeg by droë bestanddele.
Meng goed saam en skep in pan. Maak bo-op glad. Bedruip die deeg met die
olyfolie en sprinkel growwe sout oor.
Bak sowat 45 minute tot gaar en ferm.
Laat op rak afkoel.
