|
| |
Gebraaide
varklende-skywe
Moenie
die vleis té droog braai nie. Maak net seker dat dit gaar is. Genoeg vir
twee mense.
30 ml vars gekapte koljanderblare
1 bakkie (200 g) créme fraîche
Cajun-speserye* na smaak
4 varklende-skywe
5 ml kookolie
Maak 'n sous deur die eerste twee bestanddele saam te meng en hou eenkant.
Sprinkel speserye oor die vleis. Giet olie in pan en laat goed warm word.
Braai vleis vinnig aan weerskante tot gaar.
Lig uit pan en dien op met groenbone en sous. Jy kan ook aartappels of skyfies
hierby voorsit.
*Indien die speserye nie beskikbaar is nie, vervang dit met 5 ml witpeper, 5 ml
matige rissiepoeier en 'n knippie wonderpeper.
Jy kan ook appelsous pleks van créme fraîche gebruik.
|
