|
| |
Vissop
Kop
en grate van enige groot vis
'n Fyngesnyde ui
'n Lourier- of 'n paar suurlemoenblare
1 teelepel bruinsuiker
Sout volgens smaak
'n Paar wortels
'n Paar tamaties
2 eetlepels kerrie
2 teelepels suurlemoensap, of asyn
Kook vis omtrent 'n uur stadig in genoeg water en gooi deur. Maak ui bruin in
vet en voeg kerrie, bruinsuiker, suurlemoensap (of asyn), 'n bietjie sout en
dungesnyde gaar aartappels daarby. Gooi alles saam by die visekstrak en snipper
die wortels en tamaties daarby. Voeg ook blare by. Kook alles saam goed gaar.
Skep in sopborde met 'n paar skyfies hardgekookte eier in elke bord. Bedien
gekookte rys en skyfies suurlemoen daarby.
|
