Avokado-
en salmvoorgereg
Met ´n
pikante vinaigrette-sous smaak hierdie voorgereg vorentoe.
2 ryp avokado´s
suurlemoensap om oor te sprinkel
1 blik (212 g) pienk salm
3 middelslag-agurkies, gekap
halwe middelslag rooi ui, gekap
kropslaaiblare
4 repe swoerdlose spekvleis, in klein stukkies gesny
hardgekookte geel van 2 eiers
Vinaigrette-sous
15 ml Dijon-mosterd
60 ml appelasyn
45 ml strooisuiker
60 ml olyfolie
sout en vars gemaalde swartpeper
na smaak
tabasco-sous
Halveer die avokado´s oorlangs en ontpit. Haal die vrug versigtig uit die dop
en sny in groterige blokkies. Hou die vier halwe doppe eenkant. Plaas die
avokadoblokkies in ´n bak en besprinkel met die suurlemoensap. Voeg die salm by
en meng liggies.
Vir die vinaigrette-sous: meng die mosterd, asyn en strooisuiker goed saam. Voeg
die olie geleidelik by terwyl jy die mengsel voortdurend klits. Geur na smaak.
Gebruik die halwe doppe en rangskik ´n slaaiblaar of twee in elkeen. Giet die
vinaigrette-sous oor die avokado-en-salmmengsel en meng liggies. Skep op die
slaaiblare.
Braai die spekvleis tot bros en dreineer op kombuispapier. Strooi die
spekstukkies en eiergele, gekrummel, oor die avokado en salm. Dien op. Genoeg
vir vier mense.
