VISVOORGEREG

Hier is 'n staatmakerresep vir die somer. Dis heerlik as 'n heel deftige voorgereg of as 'n ligte ete saam met broodrolletjies en slaai.

800g bevrore stokvis
1/2 koppie tamatiesous
2 eetlepels worcestersous
sap van 1 suurlemoen
1/2 teelepel tobascosous
1 medium fyngekapte ui
1 koppie mayonnaise

1. Trek die grys velle van die gevriesde stukke vis af. Kook die vis 10 minute in gesoute water.
2. Dreineer, vlok en verwyder enige grate. Laat afkoel.
3. Meng die ander bestanddele deeglik.
4. Meng met die vis en laat oornag in die yskas.
5. Bedien op slaaiblare, versier met takkies pietersielie.

Piesangs, toegerol in spek

- 6 piesangs, geskil en opgesny in 4 stukke
- 300g spek repies
Rol piesangstukke toe in spek en steek vas met tandestokkie
Rooster oor kole tot goudbruin
Geniet as versnappering by skemerkelkie, of as voorgereg.