|
| |
Gebraaide Varkboud
Bestanddele vir Marineermengsel
1 bottel ligte wyn
2 eetlepels sout
1 teelepel jamaikapeper
2 eetlepels bruinsuiker
1 teelepel naeltjies
1 teelepel piment
Metode
Meng al die droë bestanddele goed saam. Vryf in varkvleis in (en hou 'n bietjie
oor om prosedure na 24 uur te herhaal). Gooi helfte van bottel ligte wyn in
geskikte houer. Plaas vleis daarin. Laat in yskas staan en draai elke 12 uur om.
Vryf res van soutmengsel na eerste 24 uur in vleis in. Kook varkvleis op derde
dag in marineermengsel waarin dit gelê het en voeg die res (halfbottel) van die
wyn by. Kook tot sag, verwyder uit vloeistof. Sprinkel meelblom en sout (gemeng)
oor vleis. Braai in taamlik warm oond tot vleis sag en vel krakerig is. Dis die
manier om varkvleis die heerlikse gaar te braai. Die deel wat oorbly, vorm een
van die beste kouevleissoorte waarom 'n mens kan wens.
|
